Thursday, January 8, 2009

ولا عــــــــــارف


ولاعارف اكون ليكى ولاعارف اكون نفسى
اقول يمكن يجى بكره يكون لك قلب وتحسى
وبكره يجى وانا عارف ان عمرك مانسيته
مهما حاولت اقرب ليكى عارفك دايما تتمنيه
هستنى بكره تانى يجى وانا خايف يزيد يأسى
ولا عارف اكون ليكى ولاعارف اكون نفسى
انا عاوزك بقى تفوقى وتعرفى ان انا بحبك
ومش عارف اكون ليكى ولا قادر ابيع حبك
وانا جنبك يزيد شوقى وقربك ليا بيكفى
ولاعارف اكون ليكى ولاعارف اكون نفسى

94 comments:

ريهام العربي said...

يااااه اول تعليق

بصراحه واو خاطره حلوه وعجبتني

بس لو المضمون يخصك وحقيقي

اظن ان التضحيه هتكون كبيره لو

استنين حد مش حاسس بيك

او علي الاقل قلبه مش ملكه

Kiara said...

ازاي بتحبها ومش عارف تكون ليها ؟؟؟؟

Sweet Violet said...

اصعب حاجه الحب من طرف واحد

و خصوصاً لو الحبيبى قلبه مع حد تانى

لكن انا شايفة انك متحامل عليها هنا

(اقول يمكن يجى بكره يكون لك قلب وتحسى)

مش معنى انها مش حاسه بحبه يبقى قلبها مش بيحس

ولا ايه ؟

وردشان smilyrose said...

يااااااااااااااااه يا احمد

سارد عليك كما تفعل

من ادراك ان قلبى ليس معك

من اخبرك اننى لست احبك

ولكن هل ستكون معى

هل ستدرك حبى

هل ستكون لى

هل ستجد نفسك وتجدنى

تحيا على امل وحياتى تتوقف على هذا الامل

لعلنى اكون قد استطعت الاجابة

ولكن اتعلم يا رومنسى كانك تحكى

عن شئ هو حياتى

ابدعت فى خواطرك

smilyrose

روح الحب الصادق

hager said...

انا رايي تكون نفسك وخلااص :p
بس الخاطره فوووق الرائعه بجد
استمرررررر :)

عاشقه وغلبانه said...

يابختها
بس خلاص

zainab said...

طب و بعدين يا رومانسى هاه

هتكون ايه؟؟؟؟؟؟؟

تحياتى

romansy said...

ريهام العربي
اهلا بيكى يا يهام
وبزيارتك الجميله
وكمان اول تعليق

اكيد طبعا التجربه تبقى مؤلمه لو ليا انا عارف ان التضحيه هتكون بدون مقابل
بس الامل موجود

نورتينى

romansy said...

كيــــــــــــارا
اهلا بيكى

هو انا عارف اكون نفسى

ولا حتى عارف اكون ليها

هى بتحبه قوى
اكتر منى

وبتفكر فيه
بالرغم انه مش سائل فيها

romansy said...

ضد التيار
اهلا بيكى يا ضد
يكون لها قلب وتحس بيه انا
بالرغم انى بحبها
بس هى حسه بحبه
بالرغم ان دا وهم
بس نعمل ايه فى القلب

نورتينى

romansy said...

smilyrose
اهلا بيكى يا سمايلى
ايه بس الرد الجميل دا
انتى شايفه كده
ياريت فعلا يكون كده

بس اكيد انتى ملاك زى ما قولتك طالما فكرتى كده

نورتينى

romansy said...

hager
اهلا بيكى يا هاجر

هحاول

اكون نفسى اكيد

romansy said...

عاشقه وغلبانه
اهلا بيكى
يا بختها
بايه
بحبى

ولا بخيبتها

romansy said...

zainab elmosalamy

اهلا بيكى

وبعدين هسيب قلبى هو اللى يحكم بقى
ويشوف عاوز يكون عبد

ولا يكون امير

حروف said...

يا رومانسي كنت داخلة ازعق واخبط عشان كل مروح مدونة الاقيك اول تعليق بس بوستك نساني وحعديها المرةدية بس عايزة اسئلك سؤال لو هي اتاكدتت انة مش بيحبها وابتسمت للكالدنيا بعدطول غياب والتفتتللك هل ستكون سعيد هل ستكونفي غاية الرضا اخي العزيز حينها ستشعر بان حبها زال من قلبك متهيئلي لو بعدت اكتر لفترة حتحسانها بقت عاديةبنسباللكولو هي الحبالاول ستظل تتذكرها ولكنكذكريات اعتقد انك تفضل ان تكون امير قلبك
دمتبالف خير ويارب يسعدك ويوفقك

dramaqueen said...

المدونة دى كمان جميلة خالص
كلامها من قلبك وقريب من كل واحد
تسلم ايدك

طوبه فضه وطوبه دهب said...

جميله اوى يا رومنسى واحساسها جميله بس مش لازم تخاف من بكره خلى عندك امل انه هيكون احلى تحياتى ليكى ويارب بكره ديما اجمل عليك وعلينا

ساره said...

حب من طرف واحد الله يعينك
ويعينها عشان هي كمان حبها من طرف واحد

romansy said...

حروف (دلو مرة ثانية وجرح ثاني سابقا)
اهلا بيكى
ليه بس الزعيق
بس
خلاص بقى المسامح كريم

خلاص يا حروف انا هسمع نصيحتك وهبعد شويه
جايز اقدر انسى
القسيه

romansy said...

dramaqueen
اهلا بيكى
شكرا ليكى على متابعتك واهتمامك

تحياتى

romansy said...

طوبة ذهب وطوبة فضة
اهلا بيكى يا دهب
انا عارف ان بكره ممكن يجى بشئ اصعب من اللى انا فيه دلوقتى
بس ادينا بنحاول نقدر نخلى الامور مستقره

تحياتى

romansy said...

ساره

اهلا بيكى
كل سنه وانتى طيبه

يارب يعيننا
لان الامر خلاص

اصبح صعب

Desert cat said...

لو حساك بجد
تاكد انها عارفه انك ليها
بس انت حاول تكون نفسك

قلب ينبض بالحب said...

فكرتني باغنية لحليم بتاعت فاتت جنبنا مع اختلاف طبعا انها في لاخر كانت بتضحك لحليم بس بجد خاطرة في الجون يااحمد

Asmaa Fathi said...

هذا هو معنى الحب

ان نحب شخص ليس لشىء إلا لان قلوبنا احبته

يكفينا ان نراه سعيد معنا او مع غيرنا

فقمة الحب ان نحب بدون امل فى ان يأتى ذلك اليوم الذى يجمعنا مع من نحب ولانملك شىء سوى ان نحبه ونفرح لفرحه هذا هو الحب الصادق الخارج من القلب
والذى لن نندم يوما عليه

فالحب عطاء مستمر

تقبل تحياتى

rovy said...

السلام عليكم

احساس جميل و راقى قرأته بين كلماتك الراقيه و جميله حقا

دمت بكل خير و دمت مبدعا

تحياتى

رحــــيـل said...

اصعب بجد
لما تحب حد قوى كده
ومش تقدر لاتبعد ولا تكمل


تحياتى

Hanan Elshafey said...

صعب اوي اما تحب حد وهو مش حاسس بيك
لكن انه كمان يكون بيحب حد غيرك
اظن مش المفروض يكون لك تفكير تاني
اظن كمان ان البعد يكون انسب حل
احسن ما تكون انت اختيار تاني
معلش لو كلامي قاسي
علي الفكره البوست جميل جدا
جواه مشاعر حلوه وبريئه
دمت بكل احساس ورومانسيه

catroz said...

فكرتنى باغنيه كده

كانت بتقول
"بتحب غيرى و بتحكيلى عن شوقها ليه"

..:(

الازهرى said...

ومش عارف اكون ليكى ولا قادر ابيع حبك

تجمع الكثير من المعانى التى بداخلى انا

شيماء جمال(شيمو القمر) said...

رومنسى
انت ليك اكم مدونة يا ابنى
عامة أنا أؤمن بشئ واحد هو عدم الإقتناع بالحب من طرف واحد
فهو ليس منه أى جدوى
لو حسيت إنها بتحبك حارب من أجلها
واو عارف إنها مش بتحبك حاول البحث عن حب آخر يستطيع الحب والتضحية من أجلك
وعلى فكرة أسلوبك عاجبنى جدا
مودتى وتحياتى
شيمو القمر

emey said...

اجمل شىْ فى الدنيا الحب ولكن لو كان حقيقى

MISS\GH said...

بصراحه انا مهما كتبت لك او قلت لك قد ايه الكلام ده جميل جدا مش هقدر اوفيه حقه
احساسك حلو اوى بس مليان بالحيره والياس حقيقى الحب من طرف واحد اصعب حالات الحب بس لازم يكون فى امل وبكره البعيد يبقى قريب
تحياتى لفارس الرومانسيه

romansy said...

Desert cat

انا ان كان عليه هحاول اعمل اللى اقدر عليه معاه
بس هى اكيد حسه

romansy said...

قلب ينبض بالحب
اهلا بيكى
هى تشبهلها
بس عبد الحليم كان عايش على امل لغايه لما جاله الرد

تحياتى

romansy said...

gana magde
اهلا بيكى
نورتينى باول زياره
انا على فكره كنت كاتب بوست عن كلامك دا ومؤمن بيه ان الحب عطاء بس انتى مش شايفاه سعيد لاسف لانه برضه بيحب من طرف واحد

نورتينى

romansy said...

rovy
نورتينى

ربنا يخليكى

الاحساس بالموقف هو اللى اصعب


تحياتى

romansy said...

رحــــيـل
اهلا بيكى
يا رحيل

الاصعب انى خايف عليه لانه برضه بيتعذب زيي بالظبط انا صحيح بحبه
وهو بيحب واحد مش بيحبه

مشكله القلوب دى

romansy said...

حنان الشافعي
اهلا بيكى
اكيد الحب لما يكون خلاص الطريق مسدود بيقى شئ صعب
بس خلاص اتعودنا على عذابه


تحياتى

romansy said...

catroz
يا هلا بيكى
انا سمعت الاغنيه دى
بس ايه الحكايه
بتحب غيرى
ومش بيحبها
وانا بحبها
طب ايه بقى الظروف

romansy said...

الازهرى

اهلا بيك يا صديقى الازهرى يارب تكون كويس فى الامتحانات

شكرا يا باشا

دى معانى اظاهر كده انها جوانا على طول

نورتينى يا مان

romansy said...

اعترافات قلب
اهلا بيكى يا شيمو

مش بايدينا يا شيمو والله الحب

بس نعمل ايه فى عذابه مش احنا اللى بنحتار الحبيب
دا قلبنا ومشاعرنا
بس على العموم
هسمع نصيحتك
وعلى فكره هما مدونتين بس

نورتينى

romansy said...

emey
اهلا بيكى نورتينى يا ايمى

اكيد الحب بين الطرفين ليه طعم تانى خالص مختلف
بس نجيبه منين


تحياتى

romansy said...

MISS\GH
اهلا بيكى يا استاذتنا الكبيره
ايه اخبارك واخبار الامتحانات

الحب من طرف واحد شئ صعب قوى

بس الامل موجود
طول ما فيه حياه

نورتينى

barbie girl said...

طالما بتحبها يبقى انتو الاتنين لبعض.. بس دا فى حالة انها كمان تحبك

romansy said...

barbie girl
نورتينى
بس انتى قولتى الشرط
كانت حاجات كتير اتغيرت


تحياتى

Asmaa Fathi said...

ايه يارومنسى

هو كل اللى تعرفهم بيحبو من طرف واحد

البطل يحب من طرف واحد

والطرف التانى يحب شخص آخر وبرضه من طرف واحد

انتو موعودين

عموما بجد احساس صعب وقاسى جدا

ميقدرش يحسه تماما ويقدر مدىالالام الذى يعانيه المحب من طرف واحد الا من عاش تلك المأساه وذاق مرارتها

تقبل تحياتى

ودمت بذلك الاحساس المرهف

نبض الروح said...

فعلا كلمات رائعة جدا
تلامس الوجدان وتخترق القلب
اممممممممم سلمت أناملك رومانسي
ودمت بكل خير دوما وأبدا :)

أحمد الصعيدي said...

يا ماشي للحب ومش ماشي علي مهلك
الحب زي الورود أشواكه بتندهلك

أخي ماأبدع إخلاصك
تحياتي الغالية

اسماء واحلام فى وجدانى said...

اول تعليق




ل



رومانسى

طيب ازاى كل ماادخل مدونة الاقى حضرتك
منوره فى الاول انت اكيد واصل

على العموم نتكلم جد شوية ربنا يوفقك
اكتر ويزيد من احبابك

احمد

صفا سارة said...

ممممممممم
بص لو عاوز تنسى هتنسى انما متقولش هاحاول قول انا هانسى اكيد :)

Muna said...

جميل اوي الكلام ومعبر عن حيرة منطقية في وضع زي ده ..
تسلم أحمد

romansy said...

gana magde

ما هى دى الحكايه ان اكل انسان مش بيحب التانى اه بس حاسس بيه وحاسس بعذابه

تحياتى

romansy said...

نبض الروح
اهلا بيكى
بشكرك على زيارتك
وكلامك الجميل الكلام دا ليها

تحياتى

romansy said...

شجر الليمون

اهلا بيكى
بشكرك على كلامك الجميل
نورتى بزيارتك الرقيقه

تحياتى

romansy said...

اسماء واحلام فى وجدان

منورنا يا مان

حظى بقى كده سا محينى


ربنا يخليك يا مان

تحياتى

وبشكرك على زيارتك

romansy said...

صفا
مش بايدينا اننا ننسى بسرعه كده


بس هننسى ونعيش


تحياتى

romansy said...

فيــروز

اهلا بيكى يا فيروز
حمد الله على سلامتك

الكلام نفسى يكون بيعبر وتحس بيه


تحياتى

فراشة said...

ياه على الكلام الجميل
الحب من طرف واحد ده مؤلم جدا
لايطول سما ولا ارض

عابرة said...

اين الامل في عالمك ؟؟؟؟
لو كنت عن جد بتحبه اصبر حتى لو انتهى الوقت في النهاية انت الفائز لانك عشت قصة حب حقيقية
والعباره دي مش ليك مش انت قلتها لي :

وقد يوجد الامل فى تلك الحياه ويوجد عنوان لكل شئ حولنا عنوان لحب سكن قلوبنا
حب سكن دماؤنا

انتظر سيفوق الحبيب قريبا ويصبح لك

Batoooot_soso said...

ياااااااااااااه
والله انت جى كلامك ده فى وقت يعنى تمام
ومش عرفه اقولك ايه

حاجه توجع القلب وتحير
تحياتى بطووووط

ياقوت الأزهري said...

لله قوم أخلصوا فى حبه
فأحبهم واختارهم خداما

عليك ان تختار

إذا أردت ان لا تحتار

مـجـنـووون said...

قمة الحيرة حينما تجد نفسك لا تدري ماذا تريد وما تشتهي

وانك تكون مش واثق في شخص كان في يوم من الايام كل حياتك

تقبل مروري
مجنووون

Unknown said...

الحب من طرف واحد
عامل زي مايكون واحد ماسك سماعة تليفون ونازل رغي ومفيش حد علي الناحية التانيه
ربنا معاااك

romansy said...

فراشه
بما انه مؤلم فى بعض الاحيان بس الانسان بيحس بيه قوى

تحياتى

romansy said...

عابرة
اهلا بيكى
الامل موجود فى حياتنا كلها
بس المشكله امتى يظهر وامتى يجى فى الوقت المناسب
انا صابر برغم كل حاجه


تحياتى

romansy said...

Batoooot
خلاص يا بطه
لو عايزانى اشيل البوست اللى محيرك دا اشيله ولا يهمك

تحياتى

romansy said...

ياقوت
هنختار الحب الحقيقى الذى يسكن فى القلب دائما


تحياتى

romansy said...

مـجـنـووون
تحياتى اخى العزيز

ومازلنا نعانى من الحب الذى هو قمه تعبنا فى تلك الحياه


تحياتى

romansy said...

امرأة الميزان

تعبيرك جيل الصراحه

وجديد


ربنا يعينا


تحياتى

بنت النيل said...

السلام عليكم ورحمة الله وبركاتة

عايزة اقولك على حاجة

انت لو بتحبها زى ما بتقول

لزم تخليها تحس بيك وبمشاعرك نحوها

اعمل كل ما فى جهدك

لكن تيأس وتبيع حبك يبقى دة مش حب

الحب الحقيقى انك توصل لى القمم الشاهقة

لعقلها وقلبها

ولو موصلتش يبقى العيب فيك انت مش فيها

لانك معرفتش توصل لى قلبها

لسة الامل موجود حاول ولا تندم

تحياتى لك

اصبر حتى يعجز الصبر عن صبرك

بنت النيل

Muslima said...

رائعة يا رومانسى برغم ألمها
اصعب حب
لما تلاقي اللي انت تحبه ما بيحبكش

ابدعت

مع تحياتى

romansy said...

بنت النيل
الصراحه كلامك فيه امل وتحدى كبير

بس الحب مش بايدينا

نعمل ايه فى القلوب

romansy said...

Muslima
برغم المها بنحب الحب برضه
ودايما بندور عليه
بس الوصول للحقيقه دايما صعب

تحياتى

Anonymous said...

رومنسي
اول مره احس اني مش فاهمه
مدام بتحبها مش عارف تكن ليها ليه؟؟

romansy said...

hager za3bal
معلش يا هاجر بقى
مش عارف اكون ليه لانها بتحب غيرى
بكل بساطه
مش عارف اكون زيه
ولا اكون نفسى


تحياتى

كيكى عوووووو said...

دة عذاب ..والله
بس تسلم على الكلام
عوووووووووو

romansy said...

كيكى

دا عذاب فعلا والقلب ياريته يتوب منه


تحياتى

Hanan Said said...

رومانسي
حلوه اوووي الخاطره دي
اهم حاجه الانسان يكون نفسه
وعلى فكره
الدنيا بتتغير بسرعه
وعن تجربه
ممكن اوووي تكون ليك
بس لسه الوقت مش جيه
ممكن تكون شايف شيء قدامك مستحيل
بس ربنا ممكن ييسره ليك وانت مش حاسس
ربنا يكتبلك الخير

Soooo said...

فكرتها حلوه وبجد تنفع اغنية

بس في جزئيه مش عارف .. حاسس انها كانت عايزه شغل زياده منك
اللي هي البيتين دول
وبكره يجى وانا عارف ان عمرك مانسيته
مهما حاولت اقرب ليكى عارفك دايما تتمنيه

يعني لو بصيت على لحن وايقاع الجمل نفسها .. هتلاقي انها محتاجه شوية حاجات صغيره وهتبقى زي الفل

ليك وحشه والله




سلامووووووووووز

romansy said...

حنان سعيد
اهلا بيكى يا حنان
ربنا يخليكى يارب
انا عارف ان الدنيا بتتغير وبتدى كل واحد على حسب جهده
بس لما يكون الجرح صعب نعمل ايه بقى

تحياتى

romansy said...

Soooo

ياهلا بيك اخى
انتى مش عجوز قوى
متقولش كده
عجبتك ياباشا
لو تعرف ملحن كويس بقى ادياهاله
وانا هغير لك اللى انت عاوزه
نورتينى ياباشا

zOzO said...

لا بجد
تسلم الايادي

دمت بخير

زى الهوا said...

كلمات صعبة اوى , وبالصدفة البحتة انا فاتحة اغانى حزينة وحطاه السماعات فى ودانى , فدا مع دا عملى مود فظييييييييييييع

انا باكره اوى الشعور دا , شعور الحب من طرف واحد

بس تعرف إن ساعات بيبقى الطرف التانى شعوره اصعب ؟ هقولك اذاى , لما يكون عارف إن اللى اودامه دا بيحبه , بس للأسف مش عارف يحبه , ورغم انه شايفه مجروح مش عارف يداويه

يلا بقى ماهى القعدة قلبت نكد ( وش حزين ) ه

romansy said...

zOzO

اهلا بيكى

شكرا جزيلا على زيارتك


تحياتى

romansy said...

زى الهوا
الموضوع صعب قوى لا دا مرتاح ولا دا مرتاح

بس بلاش تحزنى وتسمعى الاغانى الحزن

تحياتى

Rania Lelah said...

كلماتك حلوة اوى يا رومانسى
اعتذر عن التقصير

romansy said...

Rania
اهلا يارانيا
ايه اخبارك عامله ايه
نورتينى بالزياره

يارب تكونى بخير
يارب


تحياتى

أية الشقية الشعنونة said...

فلتكن لها ولتكن نفسك
ولا تجعل نفسك ملكا لأحد حتى ولو كان الحب او الحبيب
ده تعليقى
وطبعا انا بسلم سلام حار جدا جدا
بعد غيبة اعتذر عنها
اتمنى لك تحقيق كل الأمنيات
اللهم امين
تحياتى
سلام عليكم

romansy said...

أية الشقية الشعنونه

حمد الله على سلامتك

شكرا على تعليقك بعد الغيبه الطويله دى

هــــــــــــايدي said...

السلام عليكم ورحمه الله
رومنسى حيرتنا
انت عاوز ايه
قرر واختار اولوياتك بتحبها ولا لاء ومش ينفع تكون بتحبها وتسيبها

romansy said...

هــــــــــــايدي

فينك فينك


ايه الغيبه الطويله دى


بحبها وهنعمل ايه
بس




تحياتى

انى احبكم فى الله said...

بجد كلامك جميل يا رومانسى وشكرا على الموضوع

romansy said...

انى احبكم فى الله

نورتينى


وشكرا على الزياره


تحياتى