اهلا بيكوا زوار مدونتى الكرام
بعد بكره هيبقى ان شاء الله يوم من اجمل الايام يوم مختلف عن كل يوم وكل سنه كان فيها اليوم دا
بعد بكره عيد ميلادى السبعه عشرين
10-11
اتولدت وحسيت ان معايا شروق جديد للدنياوحسيت بدفء الشمس وحلاوتها ونورهابس ليه هيبقى يوم مختلف؟
لان اول مره احتفل بعيد ميلادى مع اخواتى المدونين وكمان مع مدونتى بس الاول حبيبت اشكر كل انسان علمنى شئ طول حياتى العلميه والتدوينيه
بشكر اخويا وصديقى (تامر الحسينى) انه علمنى ازاى احلم واعيش الحلم واقدر احققه باذن الله واتعلمت منه الصبر واتعلمت منه اهم حاجه الحب وايه معنى المشاعر والاحاسيس
بشكر اختى (ايمى -كيارا-طوبه دهب-ضد التيار) دول بقى اتعلمت منهم كتير قوى ازاى اقدر اعلق وازاى اقدر اناقش وازاى اقتنع بقلمى وطبعا اتعلمت خفه الدم منهم ومش هقدر انسى اهم حاجه انى دخلت مدرسه (كيارا) التاريخيه اللى هى نفريتيتى) واتعلمت منها ازاى كانت هى حياه المصريين القدماء
بشكر اختى (رحيق الحياه-طائر الليل الحزين-اسراء- شمس النهار) على تعليقاتهم الجميله
بشكر اختى (Teawater-Selfmeaning-MISS\GH -M.K-PrInCeSS BeRy-La RoSe-princess-smilyrose ) على تشجيعهم ليه باستمرار
بشكر شخص عزيز عليه قوى (انا بشبهه بالحلم) اتعلمت منه الصراحه والصدق لانه دايما صريح معايا لاقصى الحدود ودايما بينتقض كلامى وكانت دايما بيقولى صديقك من يصدقك القول) وانا اتمناله كل سعاده فى حياته
بشكر صديقى (الازهرى- محمد-احمد-د/ رامي شهاب الدين ) على كل تعليق جميل فى مدونتى
بشكر كل اللى علق عندى فى مدونتى واللى احترم قلمى وقالى كلمه شكر واللى انتقض قلمى لانه علمنى شئ جميل
وانا لغايه دلوقتى لسه بتعلم منك كلكم وهفضل اتعلم لغايه اخر يوم فى عمرى
ملحوظه:- التورته والجاتوه والكيك والحاجه الساقعه وكل اللى نفسكوا فيه هتلقوه على مدونتى رومنسى لانى بعتز جدا بالمدونه دى لانها اول مدونه عملتها وعاوزها تعيش معايا كل لحظه فرحت بيهاوبعدين مش تنسوا الهدايا