Friday, October 17, 2008

حــلـــم قد لا يتــحقـق




الحب من طرف واحد هو من اسمى انواع الحب فى حياتنا
برغم ما به من عذاب ولكن يكفى انه حب يعطى فقط
دون ان ينتظر رد العطاء

فيكفى لحظات السعاده التى يعيشها المحب بجوار حبيبه

88 comments:

نيرة و منةالله said...

اول تعليق
بعد 50 ثانية تقريبا
:)
حلوة اوى

ولكن يكفى فقط انة حب يعطى فقط دون ان ينتظر العطاء
بجد حلوة اوى
اول زيارة
:)

Little Lady said...

فعلا معاك حق

وبوست جميل جدا
تسلم ايدك

nona said...

بس انا بختلف معك
انا شايفة ان الحب بين الطرفين من افضل و اسمى انواع الحب لانة عطاء بين الطرفين لكن الحب من طرف واحد عذاب و شقاء و فى النهاية محكوم علية بالموت لانة لايرى النور و دائما بيكون حب لا يعرفة الا صاحبة فقط

canary said...

عزيزى أسمحلى اختلف معك

الحب من طرف واحد نوع من الحمق

والقسوة على الذات

كمن يعذب نفسه

روعه الحب انه مشاعر متبادله

الحب ثنائى الطرف

catroz said...

الحب الافلاطونى ..:)

esraa said...

بس أنا مش موافقه

انا بشوف انه عذاب

البنت الشقيه said...

كلام جميييييييييييييييل جدا وصغير لكنك قلت اجمل من الى ممكن يتشرح فى صفحه


وفعلا احلى حاجه الحب من طرف واحد انا بعتقد فعلا انو من اسمى مشاعر الحب بس اوعى تنسى كمان نوع حب ودا برضو جميل وعفى جدا اسمو الحب الى بيفضل بعد الفراق واى بينتظره الطرف التانى ان الحب يرجع ولو لثانيه واحده ويفضل عايش على وعده معاه مهما طال الوقت

تحياتى
البنوته الشقيه

ضد التيار said...

الحب من طرف واحد حب قاسى و ظالم للقلب

ما فائده الحب عندما لا يشعر بينا المحب

فانه بيفقد اهم احساس فى الحب وهو احساس المحب بينا

الحب احساس مشترك بين اتنين عندما يفقد طرف منه الاحساس

ينقلب الى نقمه و ليست نعمه

maioya said...

لحظات سعاده ازاي
وانا بتعذب كل يوم لانه مش حاسس بيا

حزينه said...

الحب من طرف واحد
اكتر حب فى الدنيا بيوجع
ووراه الف اه واه



حزينه

linda said...

مش بشوفها حاجة جميلة

دي حاجة مؤلمة قاتلة

بتحرق اكتر مابتفرح وبتسعد

بس احيانا مش بنختار
بنكون وقعنا خلاص

ربنا يسلمنا من هالوضع

Desert cat said...

الحب من طرف واحد اصعب انواع الحب وليس اسماها
فيكفىالالم والحسرة على من لا يشعر بالاخر

shosho said...

الحب بالتبادل بين قلبين أقوى أجدر

للاستمرار على العكس لو من طرف واحد

مصيرة للأنتهاء أو الموت مؤكد بنسبة

كبيرة

زهرة الياسمين said...

هو فعلا حب سامى قوى
بس مؤلم قوى

MISS\GH said...

روعه .......كلمات فى منتهى الجمال بس تعرف معاك حق بجدفى كل كلمه كتبتها بس المشكله انه فيه عذاب كتير اوى .وممكن يدمر قلب صاحبه اذا وصل لنهايه دون امل.

kochia said...

انا مش متفقة معاك خالص
الحب من طرف واحد ده قاسي جدا ومؤلم
ومهما كانت فيه سعادة لحظية لكن المه اكبر بكتير من اي لحظة سعادة
ده رايي

حسن حنفى said...

ممكن بس لو لقي تجاهل من الطرف الاخر بتبقي اصعب حاجه فيه جمله قراتها وعجبتني جداا

من الصعب ان تري حبيبك ليس سعيدا معك ولكن من الاصعب ان تراه سعيدا مع غيرك

تحياتي

بسنت said...

فى جمله اوى بتقول يكفينى الحب لاجل الحب ومن بعد فليكن الطوفان

ومن طرف واحد ما دام مش بيأثر بالسلب على الشخص فهو فى امان
والحب يعطى طاقه جميله وفرحه للحياه

بصفه عامه انا مع فكره الحب للحب سواء الكرف التانى يستاهل ام لا
المهم انه لنفسى ويدفعك للاحسن

اكيد بتختلف المفاهيم نحو المعنى نفسه
على العموم بوستك صغير بس قلت المفيد فيه
سلمت

nasimlibya said...

مش عارفة بس اني منوافقكش لانه حيكون مؤلم هلبة وحيسبب ديمة جرح
اني مع الحب اللي حيبني ارتباط لنهاية العمر مش مؤقت

قديسك مولاتى said...

السلام عليكم
هى دى الزيارة الاولى لى فى مدونتك
مدونة جميلة وهاديه
بس لى تعليق على حلم الذى قد لا يتحقق
الحب من طرف واحد مش حب سامى ولا حاجة والكلام دة بجد لانة لاسباب كتيرة مش هاقدر اذكرها بيحول الانسان لشىء مش بيحب انه يكونه وده كلام عن تجربة شخصية وفى النهاية اتمنى انك تزورى مدونتى وتتطلعى على جميع مدوناتى وكتاباتى عشان تعرفى السبب وفى النهاية اهدى لك المقولة دى ( فى حياة كل واحد منا وهم كبير اسمه الحب الاول ., كالحلم يخطفنا ونخطفة , يصرعنا ونصرعة , ولا نفوق منه الا ونحن بين احضان امراة اخرى غير تلك التى حلمنا معها بالحياة

barbie girl said...

أنا مختلفة معاك كلياً.. انا شايفى ان الحب من طرف واحد ميعتبرش حب أصلا.. لأن نهايته الموت.. أما الحب اللى بجد لازم يكون له طرفين فى العلاقة عشان ينمو ويكبر ويتوج بالجواز ويفضل يكبر ويكبر ويكبر .. اما الحب من طرف واحد هو حب ميت من قبل ما يتولد

منى said...

ده احساس عالى ندر ان وجد

ربما حلم لا يتحقق
خير مما يتحول لكابوس
استمتعت بوجودى هنا
تحياتى

حنان شلبي said...

مرحبا

امممممممممممم كيف حب من طرف واحد؟؟؟؟ ويكفي اللحظات التي يعيشها الحبيب بجانب حبيبه؟؟؟؟ما فهمتها هاي مو عاساس انو حب من طرف واحد
بدنا انصلح الجملة ونحكي يكفي اللحظات التي يعيشها المحب من العذاب بجانب الي مطنشه ومش شايفو ولا بيحبو هههه ولا شو رايك؟؟؟

والله يا بيكون من الطرفين يا بلاش هيك هيك بالحالتين عذاب عفكرة

وتحياتي الك

romansy said...

نيرة و منةالله
اهلا بيكى
انتى كده دخلتى موسوعه جينس العالميه

شكرا ليكى وعلى اول تعليق
ودايما يارب منوره

romansy said...

Little Lady
الله يخليكى
وشكرا على مرورك الرقيق

romansy said...

nona
انا عارف انه عذاب
بس ام كلثوم بتقول
امر عذاب واحلى عذاب
عذاب الحب
احييك على وجهه نظرك
اللى فعلا باحترامها

romansy said...

canary
انا معاكى والله
بس اوقات الانسان بيستمع بعذابه
مع من احب

romansy said...

catroz
مضبوط
نورتينى

romansy said...

esraa
واناما اقولتش غير كده

romansy said...

البنت الشقيه
ان ما كنش الحب من طرف واحد جميل
لانه بيدى امل لبكره برغم عذابه

romansy said...

ضد التيار
طبعا انا بتفق معاكى
بس الانسان اوقات بيحتاجانه يكون جنب حبيبه
لانه بيستمد منه القوة

romansy said...

maioya
اهلا بيكى وزيارتك الاولى
ليه لا
ما احلى العذاب فى الحب
فمن يتعذب في الحب .فقد عاش الحب بكل تفاصيله

romansy said...

حزينه
صدقينى طالما تحبيبه تنسى العذاب
كفايه انه جنبك
وبتشوفيه

romansy said...

linda
طبعا مش بتسعد لانك مش بتحبى بجد

romansy said...

Desert cat
ممكن يكون فعلا كده
بس برضه لو حبيبك قالك كلمه حلوه
اكيد هتكونى اسعد انسانه فى الدنيا

romansy said...

shosho
مش بيموت ابدا
دا عايش وعايش
حتى لو فى قلبك

romansy said...

زهرة الياسمين
ومن الحب ما قتل

romansy said...

MISS\GH
اهلا بالاستاذه
دايما رافعه من روحى المعنويه

romansy said...

kochia
طالما فيه سعاده لحظيه
ممكن يجى اليوم اللى تكون سعاده ابديه

romansy said...

حسن حنفى
اهلا بيك يا حسن
ممكن يكون كلامك صح
بس الاصح
انك تتمناله السعاده مهما كان

romansy said...

بسنت
احييك
شكرا على اول زياره
انا سعيد بكلامك قوى
رفعتى روحى المعنويه

romansy said...

nasimlibya
ممكن يكون كلامك صح
بس مادام الحب من طرف واحد بيدى امل ليه نبعد عنه

romansy said...

قديسك مولاتى
اهلا بيك وزيارتك الاولى
انا الصراحه مش معاك
الحب الاول مش وهم
دى الحقيقه الوحيده اللى عايشه معانا

romansy said...

barbie girl
بس لو كان الحبيب دا بيكلمك واتكلميه
اكيد هيدى امل فى الحياه
نورتينى بزيارتك

romansy said...

منى
الله عليكى وعلى كلامتك
فعلا والله
انتى جبتى المفيد

romansy said...

حنان شلبي
اهلا بيكى وباهل الامارات
ادى انتى قولتى
انه فى الحالتين عذاب
طيب ليه بقى منحبش للحب نفسه

نورتينى يا حنان

Sometimes said...

هو فعلا حلم
صعب يتحقق
لانه بيبقى مليان الم

كأنني أنا said...

ولكنه كأي حلم لا يتحقق..

موجع !!

أول زيارة ولكنها ستتكرر ان شاء الله
:)

بنوتة مصرية said...

لا طبعا مش موفقاك لية العذاب دة كلة
مش فارقة ماهى قصص الحب كمان بقئت تنتهى بماساة
ياريت ماكان فى حب خالص

اجندا حمرا +Heart Beat said...

عزيزي
الحب من طرف واحد عذاب
هل تجتمع السعاده مع العذاب؟و لماذا نشقي انفسنا و نتعلق بحلم قد لا يتحقق؟

romansy said...

Sometimes
هو فعلا صعب ان يتحقق
ولكن يبقى الامل
نورتينى

romansy said...

كأنني أنا
قد يكون موجع فى بعض الاحيان
مادامت لم ترى حيبك
فهذه اشد الالام

اهلا بزيارتك الاولى

romansy said...

بنوتة مصرية
نحن وراء ما يختاره القلب
انه يريد العذاب فى الحب
نورتى يا بنوته

romansy said...

اجندا حمرا +Heart Beat
قد يكون هذا الحب هو المنفس الوحيد للقلب
وقد يحقق المعجزات للشخص الذى يحب
احيانا نحتاج الدافع
وقد يكون هذا الحب هو الدافع

نورتينى

موناليزا said...

صدقت ولكنه عذاب
فالحب اخذ وعطاء
فهو ينمو بالاهتمام ويذبل بالجفاء
****
جميل تغيير لون المدونة

الازهرى said...

المشكلة يا صديقى ان هذا الحب جميل بالفعل ولكنه غالبا ما ينتهى نهاية مأساوة لأن المجب لا يحتمل الهجران لفترة طويلة وقد ينقلب الى النقيض تماما وهو البغض الشديد

تحياتى دوما

pusssssy said...

سامحنى ياأحمد بس انا مش متفقة معاك ..

أنا مش مؤمنة بالحب من طرف واحد خالص ..
الحب أجمل ماقيه ان لما تكون عاوز تقول لحبيبك كلمة حب تقولها بدون تردد . لانك لما بتقولها انت وحبيبك بتسعدوا بيها . لكن ماتكونش طول الوقت شايلها فى قلبك تعذبك وتكويك ..

مع تمنيايى بالتوفيق .......

Pusssssy

د/ رامي شهاب الدين said...

أختلف معك ياباشمهندس أحمد

الحب من طرف واحد ماهو إلا حب يائس بائس لاجدوى منه ولا طائل

هذا هو الحب الأفلاطونى الأسطورى الذى لاوجود له فى الأحلام

وصدق من قال : أنا من ضيعت فى الأوهام عمرا

دمت بكل خير .. تحياتى

ساسو said...

فعلا بجد الحب من طرف واحد ده مريح بالرغم من عذابه
لان لو اللي انت بتحبه ده معبركش او عمل حاجه وضيقتك مش هتقدر تعاتبه وهتلتمس له الاعزار بأنه ميعرفش انك بتحبه اصلا
والمشكله كمان مش في كده المشكله انك تكون مفكر انك بتحب من طرف واحد وبعد ما تفقد الامل يتضح ان الطرف التاني كان مفكر انه بيحب من طرف واحد
حد فاهم حاجه
مش مهم
المهم اني متفقه معاك وبس

سهر الليالي said...

جميل جدا الكلام دا
معني الحب بيتحقق في حب من طرف احد
وكلمك صح
بيبقي في عطاء من غير انتظار انت هتاخد ايه
البلج بجد تحفه

تحياتي
فراشه الشتاء

الحب كما ينبغى أن يكون said...

هذه زيارتى الاولى لمدونتك وبإذن الله لن تكون الاخيرة الحب هو أجمل شىْ فى الدنيا فبدونه يكون المجتمع غابة يأكل فيها القوى الضعيف لأنه لا توجد عاطفة تربط بينهم وما أجمل الحب عندما يكون فى الله أدعوك لمتابعة البحث الذى أقوم بأعداده عن الحب

(green eyes) said...

لست معك في هذا الرأي

الحب من طرف واحد هو من أشد صور الحب قسوة لأنه بدون مقابل وبدون رد فعل وانا لا احب ذلك ابداااااا مع اننا نقع فيه دون ارادتنا

تحياتي

كباريه said...

ربما لا أوافقك الرأي فالحب من طرف واحد عذاب يقتل القلب ويهدر المشاعر

طوبة ذهب وطوبة فضة said...

استاذى العزيز قد يكون الحب من طرف واحد اسمى انواع الحب ولكن رايي ان ما اسمى منه هو الحب من الطرفين ففى هذا الحب يشعر الانسان بان له نصف يكمله يلجاء اليه اذا ضاقت الدنيا فى عينه ينهل من عطاءه اذا جف ونضب العطاء فكيف يحب الانسان شخص ويكن له كل مشاعر الود ولا يستطيع حتى ان يصارحه به كيف يجلس بجواره وكله مفعم بالحب ولا يقدر ان ينطقها فحقا ذلك هو العذاب بعينه واقسى انواع العذاب واشدها تحياتى واعذرنى على تاخيرى

romansy said...

موناليزا
اكيد طبعا الحب بين الطرفين امتع بس لو بنفس القوه
شكرا ليكى

romansy said...

الازهرى
وهذا يا صديقى هو العذاب بعينه
الهجران
نورت يا صديقى الازهرى

romansy said...

pusssssy
طبعا يا عزيزتى بوسى
الحب بين طرفين امتع بكتير
بس الحب من طرف واحد وبالذات لو لقريبه
بيكون احسن بكتير
شكرا ليكى
ونورتى المدونه

romansy said...

د/ رامي شهاب الدين
اهلا بيك يا دكتور
الحب من طرف واحد موجود بالفعل
بين بعض الناس فى الجامعه
وبين القرايب
وكمان ممكن تلاقى اللى بحبه
مش بيحبنى
بيحب حد تانى
مش بيحبه
هى دى الحياه يا دكتور
نورت

romansy said...

ساسو
وجهه نظر برضه يا ساسو
انا لسه بقول لدكتور شهاب نفس الكلام
اللى تحبه مش بيحبك
بيحب حد تانى مش بيحبه برضه
وهى ماشيه يا ساسو
نوتى

romansy said...

سهر الليالي

الله يخليكى وشكرا على زيارتك ويارب دايما يارب

romansy said...

الحب كما ينبغى أن يكون
اهلا بيك وزيارتك الاولى
وشكرا على تعليقك الجميل
ويارب دايما كده

romansy said...

(green eyes)
مادمنا نقع فيه اذن فهو المطلوب
المطلوب فقط ان نحب
نورتينى يا احلى عيون

romansy said...

كباريه
ولكن الاختلاف لا يفسد للود قضيه
ممكن يكون كلامك صح بس هو احساس
نورتى

romansy said...

عزيزتى طوبة ذهب وطوبة فضة

ما أحلى العذاب في الحب

ما أحلي العذاب في الحب..

فمن يتعذب في الحب .فقد عاش الحب بكل تفاصيله

حلاوته وسهرهه وشوقه ولهفته وعذابه

ولكن هو الحب بكل المقايسس

عايش علي الهامش said...

الحب من غير امل اسمي معاني الغرام هكذا قالوا وان كنت لا اتفق معهم في هذا
استمع لعبد الوهاب باشا وهو يقول ضحيت هنايه فداه وهعيش علي ذكراه اشهد عليه ياليل
كلهم قالو مثلما قلت الحب من طرف واحد حب سامي وخالد ولكنه يليق بالأساطير اكثر
ربما يكون الحب من طرف واحد شئ سامي لانه نسي او تناسي المطالب البشريه المعتاده ولكن صدقني يبقي يحمل في طياته الكثير من الضعف
وبلاش تسمع لعبدالوهاب
شكرا ليك

رحيق الحياة said...

ماذا أقول؟؟
علمت أنه لن يكون لي و لكن إنجرفت وراء مشاعري
كان يكفيني أن أكون صديقة له و لكن خالفت قواعدي
أجل قد وَعَدْتُ قلبي أن لا أعذبه و لكن كان هو معذبي
وَعَدْتُ عيناي ألا تنوح أجله و لكنه كان سبب دموعي
أجل كان السبب و جعل قلبي يدق و لكنه لا يعلم معني نبض القلوب
لن أقول أنه أناني و كني فضلت أن أبتعد و أكون قاتلة قلبي
أجل لأجل كرامة مزعوة إبتعدت لأنه دائما نخاف الضعف و نقول هذه كرامتنا
و لكن هو الخوف من تلك اللحظة
هو فقط الهروب من لحظة المواجهة
و لكن ما سيكون إختياره؟؟ سيقبل بك حبيبة؟ أم سيتخلي عن صداقتكما؟
أجل سيتخلي لأنكي لن تقبلي أن تعودا صديقين، فقلبك يدق له و لا تستطيعين أن تكوني كاذبة في حق نفسك
إذن مصير قلبي؟ هو أن أدفنه بين ظلوعي و سأبقي مخلصة لحبك الساكن في قلبي

-------------------

تسلم إيدك علي الموضوع

طـــائر الليــــل الحـــــزين said...

رومانسى ..............
الحب من طرف واحد بيكون حب بطريقة غريبة شوية . بيكون فى مشاعر قوية .لكن كلها الم وعذاب ووحدة . بتفضل تدى ومبتختش . انا معاك انا اسمى معانى الحب بس فى العذاب . والشخص اللى بيمر بيه بيتجرح جرح قاسى قوى ومش بيعرف ينساه كتير . خصوصا بقى لو كنت قريب من الشخص ده ومع ذلك مش قادر تصرحله بحبك . وتحاول انه يحبك . لأن ممكن يكون الشخص ده مع شخص تانى
تحياتى
وعلى فكرة دى اول مرة ليه بالزيارة وطبعا بهنيك عليها مع انها جاية متأخرة

romansy said...

عايش علي الهامش
قد يحمل بين طياته الكثير من الضعف
وقد لا يحمل الا الامل
لذا انظر الى الامل
اعجبنى اسلوبك
شكرا ليك
وياريت الزياره تتكرر

romansy said...

رحيق الحياة
مش موضوعى انا اللى جميل
كلامك انتى اللى اجمل
تسلم ايدك انتى
نورتينى
ويارب تنورى دايما

romansy said...

طـــائر الليــــل الحـــــزين

اولا المدونه مدونتك
تحياتى ليكى
كلامك جميل بس ليه تعقيب بسيط
صحيح الجرح بيكون مؤلم
بس لو جه الامل دا
يبقى احلى امل فى الدنيا
وبيبقى جميل لو الامل دا اتحقق
نورتينى
وحمد الله على سلامتك

عابرة said...

الحب من طرف واحد رائع ففيه تحدي للحبيب
لكنه قاصي ومحطم للشعور وينفذ الصبر ويقطع الامل

romansy said...

عابرة
اكل هذا من الحب من طرف واحد
فالحب بين الطرفين فيه من الحب وفيه القسوه
وفيه الفرح وفيه الحزن
مثل الحب من طرف واحد
ولكنه ممتع

بنوتة مصرية said...

احمد مش موفقاك خااااااااالص لية العذاب دة يعنى لا طبعا
الحب من طرف واحد منتهى الظلم
ولو فعلا حبيت حد ومحستش انة بيحبنى لازم الغى مشاعرى وقتها

قلب شاعره said...

الحب من طرف واحد هو أصعب حب على رأى خالد عجاج .. لو فاكرين الاغنيه دى هى قديمه شويه ...
بس الحب من طرف واحد بينتهى مش بيعيش ....
المشكله فى الحب الى حكم عليه بالاعدام والطرفين كانوا بيحبو بعض ... هو ده الاصعب ...

romansy said...

بنوتة مصرية
لازم الغى مشاعرى ازاى
وهى متعلقه بيه
هو يمكن هيحاول يبعد ولو قدر اكيد هيحتاج فتره على ما الجرح يطيب

romansy said...

قلب شاعره
اهلا بيكى
هو ممكن ينتهى
لفتره
بس بمجرد انه يشوفها تانى
تلاقى مشاعره اتحركت

أحلى حياة said...

السلام عليكم ورحمة الله وبركاته

وأحيان كتيره بعيد عنه حتى
مش دايما بيبقى بالقرب منه
وهنا يمكن العذاب يبقى مضاعف
او يمكن اخف...!ه

romansy said...

أحلى حياة
قدتكون الالام موجوده ولكن ما اجملها عندما نشعر بنظره رضا