Tuesday, September 2, 2008

رمضان كريم


يا سلام عليك يا رمضان

كلك خيرات ..........كلك بركات

كلك عبادة وحلويات

فيك نقدر نحقق ذات

يا رمضان يا بركات

فوانيسك دى بيتخلينى

لما اضعف يوم بتقوينى

وتنورلى حياتى وعمرى

لما احس ان اعرف دينى

كللك حب وعشق وطيبة

كأن حبيب يتمنى حبيبة

متسبناش ...والنبى ماتسيبنا

دا انت حبيبنا .... يا شهر صيامنا

33 comments:

romansy said...

كل سنة وانتم طيبين
رمضان جانا .....وفرحنا بو

طوبه فضه وطوبه دهب said...

فعلا اجمل وابرك شهور السنه وموضوع الفانوس ده لى حكايات كتيره معايا انى كل ما يجى رمضان اطلب من بابا فانوس فيجيب لاختى الصغيره وانا لا يقولى انتى كبرتى على الفوانيس بس انا لسه حسه ان رمضان يعنى فانوس ومسيرى هيجيلى فانوس كل فانوس اقصد رمضان وانت طيب اول تعليق اى خدمه

كـــيــــــــارا said...

كل سنه وانت طيب

رمضان كريم وسعيد عليك يارب

:))

romansy said...

طوبة ذهب وطوبة فضة
خلاص انا مستعد اجيبلك الفانوس اللى نفسك فية
وكمان اجيب لاختك الصغيرة
انا كمان بحب الفوانيس قوى
وشكرا على المتابعة والاهتمام

romansy said...

كيارا
كل سنة وانتى طيبة
على فكرة عجبنى موضوعك الاخير قوى
ياريت كل واحد يفكر زيك كدة

هــــــــــــايدي said...

السلام عليكم ورحمه الله وبركاته
كل سنه وانت طيب رمضان كريم
حلو اوى الكلام اللى انت كاتبه لرمضان
بس ليا تعليق صغير بلاش تحلف بالنبى او باى حد تانى خالص لان دا حرام من حلف فليحلف بالله او ليصمت دا حديث عن الرسول
والشيوخ بتعتبر الحلف بغير الله من الشرك الاصغر ودا طبعا مش مخرج من المله ولا حاجه بس بتاخد عله ذنب
ورمضان كريم

romansy said...

عزيزتى هايدى
رمضان كريم
منورانى
شكرا على تعليقك
وانا مكنتش اعرف ان دا ذنب
بس انا زى مابحب ربنا
سبحانة وتعالى
برضة بحب النبى
علية الصلاة والسلام
شكرا لزيارتك

princess said...

رومانسى
كل سنة وانت طيب
على فكرة انا بحب الفوانيس وعايزة واحد من اللى فى الصور:))))
تحياتى

romansy said...

princess
كل سنة وانتى طيبة
وكل فانوس وانتى طيبة
رمضان الجاى ليكى عندى احلى فانوس
الفانوس السحرى
كل سنة وانتى طيبة

الحكمة ضالة المؤمن said...

ما اجمل ان يتغزل الانسان بمحبوبة
كل عام وانت بخير
و رمضان كريم

أية الشقية الشعنونة said...

كل سنة وانتا طيب
حلويات ؟
اممممممممممممممممممممم
انتا اللى بتجيب السيرة اهو مش الايس كريم بتاعى بقا
هههههههههههههههههههههههههههه
رمضان فعلا شهر الخيرات ياريت كلنا نعيشه صح
تحياتى

كلام حسام said...

كل سنة وانت طيب
وياريت تشيل تاكيد كلمة التعليق

romansy said...

الحكمة ضالة المؤمن
كل سنة وانت طيب
ورمضان كريم
نورت المدونة ويارب الكلام يكون عجبك

romansy said...

أية الشقية الشعنونة
فعلا اسم على مسمى
كلامك فية خفة وشقاوة جميلة
كل سنة وانتى طيبة
هبقى ادخل بعد الفطار
نورتى

romansy said...

كلام حسام

كل سنة وانت طيب
نورت يا مان
يارب الكلام يكون عجبك
شكرا لزيارتك

Anonymous said...

كل رمضان وانتم بخير

romansy said...

بنوتة مصرية
كل سنة وانتى طيبة
نورتى المدونة

شيتوس الاهلاويه اووووي said...

الله عليك بجد جميل اوي
فعلا رمضان دة انا نفسي مايخلصش لإن انا بجد اتغيرت اوي فيه وبالذات السنة دي.
دمت سالم
أختك شيتوس

شفـقــة و إحســــان said...

كل سنة وانت طيب
اعاده الله عليك باليمنى والخير والبركات
اول مرة اقرا حاجة جميلة اوى كده عن رمضان
تسلم البوست هايل
شفقة

romansy said...

شيتوس الاهلاويه اووووي

كل سنة وانتى طيبة ورمضاان كريم
عليكى وعلينا
بشكرك على كلامك

romansy said...

شفقة هانم واحسان بك
شكرا على كلامك الجميل دى
دى مشاعر اللى انا حاسس بيها
كل سنة وانتى طيبة

انى احبكم فى الله said...

المدونه جميله والبوست جميل اشكرك عليه يا رومانسى وتحياتى ليك على الموضوع الجميل
تحياتى وتقبل مرورى

romansy said...

انى احبكم فى الله
كل سنة وانتى طيبة
ورمضان كريم
ودايما منورنا

ألـــــــوان الحيــــــــاة said...

كل سنه وانت طيب

حلو اوى كلامك عن رمضان

وكل رمضان وانت بخير

romansy said...

roodyaly
كل سنه وانتى طيبه
ورمضان كريم
نورتى المدونه

شمس النهار said...

كلام جميل قوي عن رمضان
فكرته جديده
والطريقه جديده

ضحكات الحياة said...

كل سنة و أنت طيب

و رمضان كريم و سعيد ان شاء الله

و كلام حلو و جميل

و يا رب من قلوبنا نكون ليه سامعين

شكرا

romansy said...

شمس النهار
نورتى عندنا بجد شرفتينى

romansy said...

ضحكات الحياة
شكرا يا بشمهندس
نورت المدونه

Teawater said...

كل سنه وانتا طيب وعيد سعيد يا رب عليك ونشوف كده توبيكات الجميله تقبل مروري المتواضع

romansy said...

Teawater
وانت اسعد كل سنه وانتى طيبه

سندس وأمل said...

إيه ده ....إيه ده الله عليك إطربنا

الله يفتح عليك قول كمان وكمان ....

بجد بجد جميل أوى ماشاء الله لاقوة إلا بالله

وكل عام وأنت بألف خير...وتقبل الله منا

"ومنك"سندس

romansy said...

سندس وأمل
كويس يا سندس ان البوست عجبك
وامين يارب
كل سنه وانتى طيبه